அங்கனாராயின் அசத்தல் முடிவு

மேற்கு வங்கத்தைச் சேர்ந்தவர் அங்கனாராய். வத்திக்குச்சி, ரகளபுரம், கபடம், மேகா, படங்களில் நடித்துள்ளார். தற்போது மேஜர் ரவி இயக்கும்
பிக்கெட் 43 என்ற மலையாளப் படத்திலும், துனியா விஜய்யுடன் கோப்ரா என்ற கன்னடப் படத்திலும் நடிக்கிறார். விரைவில் தெலுங்கு படம் ஒன்றிலும் நடிக்க இருக்கிறார். தமிழ், ஆங்கிலம், இந்தி, கன்னடம், பிரெஞ்சு, பஞ்சாபி, பெங்காலி என 7 மொழிகள் தெரிந்த ஒரே நடிகையும் அங்கனாராய்தான்.அங்கனாராய் கபடம் படத்தில் கவர்ச்சியாக நடித்தார். மேகா படத்தில் சிறிய கேரக்டரில் நடித்தார். இதுபற்றி அவர் கூறியதாவது: கபடம் படத்தின் கதைப்படி அப்படித்தான் நடிக்க முடியும். வேண்டுமென்று கிளாமராக நடிக்கவில்லை. மேகா படத்தின் நர்ஸ் கேரக்டர் பிடித்திருந்ததால் நடித்தேன். இனி இதுபோன்ற சிறிய கேரக்டர்களில் நடிக்க மாட்டேன். அடுத்து எனது சொந்த மொழியான பெங்காலியில் நடிக்க இருக்கிறேன்.நான் தீபிகா படுகேனோ சாயலில் இருப்பதாக நண்பர்கள் சொல்கிறார்கள். அவருக்கும் எனக்கும் ஒரு ஒற்றுமை உண்டு. நானும் அவரும் நடிக்க வருவதற்கு முன்பு பேஷன் ஷோக்களில் ஒன்றாக கேட்வாக் போட்டிருக்கிறோம் என்கிறார் அங்கனாராய்.